«بولاشاققا باعدار: رۋحاني جاڭعىرۋ» باعدارلاماسى اياسىندا دوستىق ۇيىندە «قازاقتانۋ» ورتالىعى قۇرىلدى.
ءبىر شاڭىراق استىندا تاتۋ-ءتاتتى ءومىر ءسۇرىپ جاتقان ءوڭىر ەتنوس وكىلدەرى اراسىندا قازاق حالقىنىڭ سالت-ءداستۇرىن, مادەني, تاريحي, ۇلتتىق قۇندىلىقتارىن ناسيحاتتاۋدى ماقسات ەتەتىن ورتالىق بەس باعىت بويىنشا جۇمىس ىستەيدى. كەز كەلگەن تۇرعىن ورتالىققا كەلىپ, ءتۇرلى جيىن-باسقوسۋلارعا, «دوڭگەلەك ۇستەل» وتىرىستارىنا قاتىسىپ, ۇسىنىس-پىكىرلەرى ايتا الادى. مۇندا سونىمەن قاتار عىلىمي جۇمىستار جۇرگىزىلىپ, وزگە دە ەتنومادەني ورتالىقتارمەن بىرلەسىپ كەشەندى شارالار اتقارىلماق. قازاقستان حالقى وبلىستىق اسسامبلەياسى حاتشىلىعىنىڭ مەڭگەرۋشىسى نايل ساليموۆتىڭ ايتۋىنشا جوبانىڭ باستى باعىتى – قازاق ءتىلىنىڭ قولدانىس اياسىن كەڭەيتىپ, كەلۋشىلەردىڭ مەملەكەتتىك ءتىلدى ۇيرەنۋىنە جاعداي جاساۋ.
ورتالىقتىڭ اتقاراتىن جۇمىسى كوپشىلىكتىڭ نازارىندا بولىپ, ءار جىل سايىن قورىتىندىلانىپ وتىرادى. كەلەشەكتە بىرنەشە ۇيىرمە اشىلىپ, قولونەر شەبەرلەرىنىڭ ۇلتتىق بۇيىمدار جاساۋدىڭ, ۇلتتىق تاعامدار ازىرلەۋدىڭ قىر-سىرلارى ۇيرەتىلەدى. زيالى قاۋىم وكىلدەرى مەن تاريحشىلار شاقىرىلىپ, جاستاردىڭ قاتىسۋىمەن تانىمدىق شارالار وتكىزىلەدى.
ورتالىقتىڭ اشىلۋ سالتاناتىنا جينالعاندار قولونەر شەبەرلەرى جاساعان بۇيىمدار مەن ۇلتتىق كيىمدەر كورمەسىن قىزىعا تاماشالادى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى